9 punonjës të OKB-së të përfshirë në sulmet e 7 tetorit në Izrael

20:55 | 5 Gusht 2024
KRG

Nëntë punonjës të agjencisë së OKB-së për refugjatët palestinezë, UNËRA, mund të jenë përfshirë në sulmin e 7 tetorit të udhëhequr nga Hamasi ndaj Izraelit, thonë Kombet e Bashkuara.

Sipas zëdhënësit të OKB-së, Farhan Haq, të nëntë punonjësit janë pushuar nga puna.

“Ne kemi informacion të mjaftueshëm për masat që po marrim, përkatësisht shkarkimin e këtyre nëntë personave,” tha Haq.

Rreth 1200 njerëz u vranë dhe 251 të tjerë u kthyen në Gaza si pengje në sulmin e paprecedentë vjeshtën e kaluar.

SHBA u bën thirrje të gjitha palëve të përfshira në Lindjen e Mesme që “të shmangin përshkallëzimin”. Apeli erdhi nga zëdhënësi i Departamentit Amerikan të Shtetit, Matthew Miller, duke raportuar për bisedimet e mbajtura nga sekretari Antony Blinken me homologët e tij egjiptianë dhe të Katarit.

“Përshkallëzimi nuk i sjell dobi askujt dhe mbi të gjitha dëmton ata miliona civilë që duan të jetojnë në paqe,” shtoi ai./A2CNN

Shpërndaje në rrjete sociale

Lajmet më të lexuara

Të ngjashme

Foto lajm